Posted by: Bríd Ní Chualáin | 05/04/2016

Préasráiteas – Cúrsa nua do Ghnóthaí.

lonBeidh cúrsa Gaeilge do ghnóthaí ag tosnú ar an 18ú Aibreán ar Inis Oírr. Beidh an cúrsa 5 lá seo á reáchtáil in Áras Éanna ag an gcomhlacht FEICIM.

Tá an cúrsa nua seo á reáchtáil de bharr éilimh ó eagraíochtaí atá ag obair sa nGaeltacht agus dream atá lasmuigh den Ghaeltacht atá ag iarraidh seirbhísí trí Ghaeilge a chur ar fáil. Ba mhaith le FEICIM an bearna seo a líonadh agus seirbhís a chur ar fáil dóibh sin atá ag iarraidh an Ghaeilge a chur chun cinn. Díreofar ar riachtanais na rannpháirtithe le linn an chúrsa 5 lá seo agus beidh béim ar ról-imirt, obair bheirte agus obair ghrúpa le linn an chúrsa. Beidh imeachtaí ar siúl lasmuigh den seomra ranga againn freisin ar ndóigh mar go bhfuil sé d’aidhm ag FEICIM go mbeidh deis ag gach duine an teanga a fheiceáil ag obair go nádúrtha i measc an phobail mar atá in oileán álainn Inis Oírr. Beidh siúlóidí treoraithe, ceardlainne ceardaíochta, amhránaíochta agus tuilleadh ar an gclár ama don chúrsa seo.

Bíonn cúrsaí Gaeilge do dhaoine fásta á reáchtáil ag FEICIM gach samhradh agus is féidir eolas a fháil maidir leis na cúrsaí seo ar www.feicim.com. I mbliana beidh léacht speisialta againn mar chomóradh ar 1916 chomh maith le ceardlann roghnach ar Ghàidhlig na hAlban don ard-leibhéil. Beidh turas lae chuig Inis Meáin agus chuig Inis Mór ar an sceideal dóibh sin atá ag tabhairt faoi chúrsa coicíse. Ar ndóigh, beidh neart ceoil agus craic againn chuile oíche sna tithe tábhairne chomh maith.

Is féidir tuilleadh eolais a fháil faoin gcúrsa do lucht gnó ar www.feicim.com/the-Irish-edge. Breis eolais ar fáil ar na meáin shóisialta faoi chomórtais srl.

Costas ar an gcúrsa 5 lá do ghnóthaí:  €200.

Tuilleadh eolais: 087 6774751

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Categories

%d bloggers like this: